Оқиғалар

Алуға арналған «Күн сағаты» шағын сәулеттік құрылысының ашылуы

2021 жылдың 13 мамыр күні сағат 12.00-де Ә. Қастеев атындағы ҚР Мемлекеттік өнер музейінің «Мүсін саябағында» дизайнер, сәулетші, кино қоюшы-суретшісі Алим Сабитовты (1956-2019) еске алуға арналған «Күн сағаты» шағын сәулеттік құрылысының ашылуы өтеді.

Бұл мүсін күн сағаты түрінде заманауи өнер нысаны ретінде жасалған, дискінің жартысында циферблат, ал екінші жағында Алим Сабитовтың бет бейнесін орналастырған. Латынша «Vita brevis, ars longa» деген жазба бар, яғни «Өмір қысқа, өнер мәңгілік» дегенді білдіреді. Өзінің қысқа ғұмырында Алим Сабитов кинода жемісті еңбек етті, халықаралық сыйлықтармен марапатталған сегіз толықметражды фильмдердің қоюшы-суретшісі ретінде, соның ішінде 1998 жылы Канндағы «Ерекше көзқарас» бағдарламасында «Киллер» фильмі үшін бас жүлдеге ие болды.

Сәулет докторы, Қазақстанның құрметті сәулетшісі, Қазақстандағы «Дизайн» мамандығының негізін қалаушылардың бірі, 2005 жылы Алим Равильевич Сабитов Ұлыбританиядағы Оксфорд университетінің «All Souls» колледжінің шақырылған мүшесі болып сайланды. Сәулет және мәдениет теориясы бойынша 11 кітаптың авторы, соның ішінде «Мнимые архитектурные пространства» (2001), «Форма и образ» (2010),  «Пространственные модели культуры Казахстана» (2011), олардың кейбіреулері қола дискінің орталық бөлігінде көрсетілген. Дисктің төменгі бөлігінде циркуль түрінде гномон бар, ал дисктің өзі гранит стелада тұрған өңделген гранит шарға орнатылған.    

Шағын сәулеттік құрылыстың авторы – жас мүсінші Алибек Мергенов, республикалық және халықаралық көрмелердің қатысушысы, Бірінші Еуразиялық биенналесінің бас жүлдегері, лауреаты (2017) және ҚР Суретшілер одағының «Алтын медалінің» иегері (2017).

Алим Сабитов бір кездері Ә. Қастеев атындағы ҚР Мемлекеттік өнер музейінің айналасындағы «Мүсіндер бағын» құрған бастамашылардың бірі болғаны есте қаларлықтай. 2016 жылы оның төрт диплом қорғаушысы өз жұмыстарын музейдің ландшафт дизайны мен дизайн интерьеріне арнады.

solnechnye chasy 002

solnechnye chasy 003