2023 жылдың 11 қазанында сағат 16:00-де Әбілхан Қастеев атындағы ҚР Мемлекеттік өнер музейінде Старков Андрей Александрович көрмесінің ашылу салтанаты өтеді.
Экспозиция суреткер шығармашылығындағы 70-ке жуық туындылар негізінде дайындалған. Андрей Александрович Старков Алматы қаласында дүниеге келген. Ол Новосибирск инженерлік-құрылыс институтының сәулет факультетін бітірген. Көрмеде ұсынылған жұмыстар түстердің жарықтығымен, қанықтығымен ерекшеленеді. Әр жұмыста бірқалыпты сипаттама және таза лирика көрініс табады.
Примивті өнер негіздерін қолдана отырып табиғи формаларды және формальді символдарды абстракциялаған суретші туындылары ой ұшқырлығына тереңінен батыратындығы сөзсіз. Әрбір натураның фактуралық сипатын көрсете отырып, оларды жүйелеп, өрнекті ой өрімдерін жасайды. Фактуралық тастар, жартастар, сонымен қатар көкөністердің, тұрмыстық заттардың жандануы, символдануы айрықша құбылыс. Осы ерекшеліктер арқылы кез келген затты тірілте олардың формалық ерекшеліктерінен өмірлік бедерлерді көре білу, және оны көрерменге жеткізе, сезіндіре алуы суретшінің шеберлігінде екендігін растай алған.
Үлкен форматтағы туындылар өте шынайы және дәл көрінеді. Табиғатты зерттеудегі туындылардың барлығында автордың бай жанының көрінісі, табиғатта, өмірдің көріністерінде, қарапайым түстер мен заттарда мәңгілік үйлесімділікті іздеу арқылы суреттеледі.
Қылқалам шебері өзінің шығармашылық жолында Мәскеу және Алматы жобалау институттарында сәулетші болып жұмыс істеді. 1987 жылдан бастап Қазақстан Сәулетшілер одағының мүшесі. Осы жылдан бастап халықаралық көрмелерге қатыса бастады. Ал, 1993 жылдан бастап Қазақ Мемлекеттік сәулет-құрылыс академиясының «Дизайн» кафедрасында кескіндеме пәнінің оқытушысы ретінде еңбек атқарды.
Суретші ретінде ол Гималай мен Орталық Тянь-Шаньдағы бірнеше экспедицияларға қатысты. Таулы ландшафттың жеке көрмелерін өткізгені үшін Мәскеудің IV, V және IV халықаралық «Вертикаль» тау және шытырман оқиғалы фильмдер фестивалінің дипломдары бар. 2001-2002 жылдары жеке өнер көрмелері үшін Мәскеу Үкіметінің дипломдарымен марапатталды.
Қоғамға және жеке адамға қажет көркемдік қажеттілік көркем шығармашылық пен шынайы өмір арасындағы қарым-қатынастан туындайды деп айтуға болады. Өнер өзінің ең жоғары көрінісінде әрқашан өмірді бейнелейді. Әр түрлі іс-шараларға қатысты әр түрлі таланттар бір шығармашылық тұлғада біріктірілгенде, «мәдениеттің екі көзі» туралы айтуға болады. Суретші, ол суретші, композитор, жазушы немесе ғалым болсын, қоғамды рухани толықтыру және оның өміріне үлкен мағына беру үшін өзінің үлкен миссиясын орындайды. Бұл шығармашылық есімдердің арасында суретші Андрей Александрович Старков есімі бар.
Экспозиция 2023 жылдың қараша айының 4-не дейін жалғасады.
Көрме жетекшілері – Ақылбекова А.Р, Көпжүрсін Ә.А.
