2024 жылдың 29 тамызында сағат 12:00-де Әбілхан Қастеев атындағы Қазақстан Республикасы Мемлекеттік өнер музейінің Орталық көрме залында (Желтоқсан, 137) суретші, арт-терапевт Миранда Омардың «Біз киетін бетперделер» атты жеке көрмесінің ашылуы өтеді.
Миранда Омар – Шымкент, Қарағанды және Алматы қалаларында белсенді өнер көрсеткен О.Таңсықбаев атындағы АСҚӨК түлегі. Оның жұмыстары О.Таңсықбаев атындағы АСҚӨК қолдауымен киім дизайнері ретінде халықаралық конкурстарға қатысты. Миранда өзінің тәжірибесінде сәндік-қолданбалы өнерге жақын аралас техниканы қолданып, кенепте адамның шынайы сезімдері көрініс тапқан әлемді көрсетеді. Оның экспрессионизм мен тахизмге жақын стильде орындалған картиналары сыртқы әлемді жеке қабылдауды жеткізуге тырысады. «Үміт» (2024) картинасында Миранда Омар бетін қолымен жасырған адам бейнесін ішкі шиелінісін ғана емес, эмоционалдық тұрақсыздық жағдайында үмітті сақтау әрекетінің символы ретінде пайдаланады. Жұмбақ және үрейлі фон арқылы күшейтілген ақ бетперде дағдарыс кезінде осалдық пен қорғануға деген ұмтылыстың көрнекі метафорасын жасайды.
Абстрактілі композицияда орындалған «Қаһар» (2024) жұмысы қызыл және қара түстер басымдылығы эмоциялардың қарқындылығы мен бағынбайтындығын көрсетеді. Жұмыстағы ортаңғы элемент тұмсығы ұзын құстың басын еске түсіріп, алғашқы дәуірдегі қаһарлы күштің байланысын арттырады. Көрініс көрерменді агрессия мен алаңдаушылықты сезінуге мәжбүрлеп, ішкі шиеленісті лүпілдетеді. «Біреудің тілегі» (2024) туындысы иірілген пішіндер мен сызықтар арқылы көрерменді абстрактілі әлеміне кіргізеді. Олар шатасу сезімін және басқа адамдардың тілектері мен ниеттерін қабылдаудағы қиындықтарды білдіреді. Автор көк, сұр және қара суық реңктерін пайдалану негізінде ішкі күрес сезімін күшейтіп, адамның жеке бөгде шекарасы туралы ойлауға мәжбүр етеді.
«Адалдық» (2024) - шындықтың күшін, оның қатыгез және сонымен бірге тазартатын табиғатын визуалды зерттеу. Композицияда қызыл бетбейнелі сұлбаның басында тәж тәрізді бөлігі, шындық ашылған кезде адам тап болуы мүмкін күштің символына айналады. Картинаның мазмұыны шындықты қабылдау және тану процесімен бірге жүретін күрес пен қарсылықты көрсетеді.
«Біз киетін бетперделер» көрмесі көрермендерді Миранда Омардың шығармалары арқылы ішкі қақтығыстар мен эмоциялар әлеміне енуге, өз тәжірибелерінің тойтарысын көруге шақырады.
Көрме 2024 жылдың 12 қыркүйегіне дейін жалғасады.
Көрме жетекшісі, Лаура Әбілдаева
