2024 жылғы 14 қараша күні сағат 14.00-де Әбілхан Қастеев атындағы ҚР Мемлекеттік өнер музейінде Айжан Бекқұлованың «КАӨ» атты жеке көрмесі аясында шығармашылық кездесуі өтеді.
Айжан Бекқұлова – қазіргі қазақ қолданбалы-бейнелеу өнеріндегі жарқын әрі елеулі тұлға. Оның шығармалары тек көрнекі көрінісімен ғана емес, сонымен бірге терең философиялық контекстімен де назар аудартады. Айжан Бекқұлованың шығармалары көбінесе көп мағыналылығымен, көрерменді өнермен диалогқа шақыратын көрнекі метафораларды құруымен сипатталады. Оның туындылары өмірдің әртүрлі аспектілері туралы, жеке тәжірибелерден бастап жаһандық тақырыптарға дейін ойлауға шақырады.
Өнер сүйер қауым үшін Айжан Бекқұловамен кездесу тек көрмені тамашалап қана қоймай, суретшінің шығармашылығымен және оның туындыларының маңыздылығымен танысуға мүмкіндік береді.
Кездесуге өнертанушылар, мәдениеттанушылар, философтар, БАҚ өкілдері, сонымен қатар өнер сүйер қауым шақырылады. Талқылаудан кейін Айжан Бекқұлованың көрме каталогының таныстырылымы болады.
