2025 жылдың 10 сәуір күні сағат 16:00-де Әбілхан Қастеев атындағы ҚР Мемлекеттік өнер музейінің Орталық көрме залында (Желтоқсан, 137) көктемгі жаңарудың, бірлік пен мәдени мұраның символы – Наурызға арналған суретшілер тобының «Наурыз бояулары» атты көрмесі ашылады.
Наурыз – ежелден табиғаттың оянуы мен жаңа өмір айналымының басталуын білдіреді. Ертеде мерекенің құрметіне ағаштар мен гүлдер отырғызып, бұл үйге молшылық пен сәттілік әкеледі деп сенген. Ұлан-асыр мереке амандықты білдірсе, ал көктем күндері ойлар мен іс-әрекеттерді рухани тазартып, жүректерді жылулыққа толтырады. Бұл күндері елімізде «Тыныштық, бақыт пен береке болсын» деген бата мен ізгі тілектер айтылады.
«Наурыз бояулары» көрмесі өз туындыларында мәдени дәстүрлердің байлығын дәріптейтін, Наурыз мерекесінің нышандары: мерекелік дастарқан, ақындар айтысы, ұлттық ойындар, бүркітшілер мен қазақ халқының дана әдет-ғұрыптары туралы әңгімелейтін қазіргі қазақ суретшілерінің туындыларын біріктірді. Олардың шығармалары гүлденген ағаштар мен хош иісті далаларды, еркін жүрген жылқы табындарын, жүйрік таздар мен көктемгі оянудың табиғатын бейнелеп, туған өлкесінің сұлулығын жеткізеді.
Экспозицияда Қазақстандық талантты шеберлер: Панина Елена, Шайхеслямова Диана, Сергеева Жанна, Қайранбай Толқын, Альфия Сафи, Нургалина Зарина, Самарцева Карина, Прохорова Екатерина, Акибаева Джамиля, Садібекова Салтанат, Узбаева Майра, Савчук Светлана, Ахмолдаева Еңлік, Муратаев Канат, Нагорова Сабина, Проскура Юлия, Каминская Карина, Закарадзе Динара, Табетова Айкерім, Мусанап Анна, Түзелбекова Әсель, Орендовская Ульяна, Тулетай Дамиля, Кан Елена, Абту Анет, Ведерников Максим, Гуляева Элина, Рымкулова Данагуль, Жүнісова Гауһар, Каплун Диана, Шушаев Шамиль, Семенова Елена, Мамырбаев Жарас, Уразбекова Ирина, Сундетова Мадина, Шарипова Кумисай, Кенбаев Алпамыс, Шепелева Галина, Джанабаева Ольга, Әсемхан Әйгерім, Чукреева Ольга, Канкелді-Калимова Толқын, Фурса Елена, Адильжанова Райхан, Садуахасов Канат, Казжанова Лилия, Кульбалаева Алтынсара, Сарсембаева Айя, Белоусова Марина, Байжанов Мұрат, Ағыбаева Гүльмира, Пащенко Галина, Дума Елена, Маликова Аружан, Беркимбаева Шолпан, Ведерникова Евгения, Сатпаева Лаура, Малышева Вера, Колодин Александр, Қуанышбекова Шахизаның туындылары қойылған.
Суретшілер бірегей өнер туындыларын жасап қана қоймай, Қазақстанның мәдени мұрасын сақтауға өз үлестерін қоса отырып, өңірлерде бейнелеу өнерін белсенді дамытуда. Олардың жұмыстары дәстүрлі мотивтер мен заманауи көркемдік үрдістерді біріктіре отырып, эмоцияларға, символизмге және терең философияға толы.
«Наурыз бояулары» көрмесі жай ғана экспозиция емес. Бұл – өнердің тынысымен танысу, көктем мен шабыт рухын сезіну, жақсылық пен қуанышқа толы, үлкен мәдени оқиғаны тамашалау мүмкіндігін беретін көрме.
Көрме 2025- жылдың 22 сәуіріне дейін жалғасады
Жұмыс уақыты: 10:00 - 19:00.
Демалыс күні: дүйсенбі
Жетекшісі: Г.А. Садритдинова -
«Музейлік педагогика және экскурсиялық қызмет»
бөлімінің қызметкері
