2025 жылдың 24 сәуір күні сағат 16:00-де Әбілхан Қастеев атындағы ҚР Мемлекеттік өнер музейінің Орталық көрме залында (Желтоқсан, 137) Ботагөз Нұрпейісованың Рерих Келісімінің 90 жылдығына арналған «Мәдениет құдіреті» атты жеке көрмесі ашылады.
Нұрпейісова Ботагөз Слямғалиқызы (1959-2022) – КСРО Суретшілер одағының мүшесі (1988 ж.), Қазақстан Суретшілер одағының мүшесі, педагог, бірқатар халықаралық және республикалық көрмелердің, оның ішінде жеке көрмелердің қатысушысы, Қазақстан Республикасы Білім беру ісінің құрметті қызметкері.
Ботагөз Слямғалиқызы Павлодар облысы Качир ауданының Песчаное ауылында дүниеге келген. Н.В. Гоголь атындағы Алматы көркемсурет училищесін бітіргеннен кейін, В.И. Суриков атындағы Мәскеу мемлекеттік академиялық көркемсурет институтында білім алуын жалғастырды. О.Таңсықбаев атындағы Алматы сәндік-қолданбалы өнер колледжінде 30 - жылдан астам ұстаздық етіп, бірнеше суретшілер буынын тәрбиеледі. «Кемпірқосақ астында өмір сүру», «Менің Отаным», «Рух жолдарымен», «Көп жүзді Үндістан» және басқа да туындылар серияларының авторы, портреттік, жанрлық көріністер мен пейзаждардың шебері.
Суретші және ойшыл Н.К. Рерихтің көзқарастарын және ұмтылыстарын қабылдап, оны өзінің ұстазы деп санады. Оның философиясы, картиналары, әдеби шығармалары, мәдениеттің басым рөлі туралы мәлімдемесі Ботагөз Нұрпейісованың жеке тұлғасын, өмірлік және шығармашылық бағдарларын қалыптастырды.
«Мәдениет құдіреті» атты көрменің экспозициясында суретшінің 50-ден астам кескіндеме туындыларымен қатар, «Рерих Келісімі», көркем және ғылыми мекемелерді қорғау туралы халықаралық шарт, миссиялар мен жинақтар туралы ақпараттық баннерлер ұсынылған. 2025 – жылы халықаралық қоғамдастық Рерих Келісіміне қол қойылғанына 90 жыл толуын атап өтеді. Ботагөз Нұрпейісованың көркем шығармашылығында «Рерих Келісімінің» мәдени идеялары – табиғи ландшаф, оларды мекендейтін халық, мәдени дәстүр, сәулет ескерткіш, оның туындыларына түсірілген рухани ұмтылыстар адам рухының ең жақсы көріністеріне бағытталған.
Көрмеде біз туған жерге арналған, балалық шақтың ерекше жылуы мен естелікке толы сюжеттерін ал, Әке мен Ана портреттерінен – оларға деген сүйіспеншілік пен ризашылықты көреміз.
Қазақстан Республикасының еңбек сіңірген өнер қайраткері, «Бхаратанатьям» үнді классикалық биінің кәсіби орындаушысы Ақмарал Қайназарованың шығармашылығына арналған жұмыстар қазақ және үнді мәдениеттерінің дәстүрлерін үйлесімді түрде біріктіреді.
Ұстаз бен шәкірт арасындағы қарым-қатынастың ішкі сырын ашатын, терең рухани мағынаға толы «Көпірде» картинасы мен «Майтрейя» атты картинасы үндеседі, онда әйелдің адамзаттың Ұлы Ұстазына, Будданың ілімін білдірушіге деген дұғасы бейнеленген. Үнді тақырыбына арналған картиналар сериясы суретшінің әлемді терең философиялық қабылдауы, оның шеберлігі мен шексіз таланты туралы баяндайды. Ботагөз Нұрпейісованың Үндістанға деген махаббаты бала кезінен басталған. Бірақ, 2011 – жылы ғана Үндістанның киелі жерлеріне көптен күткен саяхаттар орын алды. Олар шығармашылыққа толы және жемісті болды, онда Гималайдың етегінде оны жарқыраған қарлы шыңдар мен бұйра бұлттар қарсы алады. Кулу алқабында, Наггареда (Химачал Прадеш штаты) Ботагөз Нұрпейісова көптеген этюдтер жазды. Дәл сол жерде, атақты Орталық Азия экспедициясынан кейін, профессор Н.К. Рерих пен оның отбасы 20 жылдан астам уақыт бойы өз қожалығында тұрып, «Урусвати» Гималай зерттеулер институтын құрды. 2019-жылы суретшінің сапары Сикким қаласында өтті, оның нәтижесінде көптеген жаңа графикалық және көркем туындылар жасалды.
Ботагөз Нұрпейісованың көркем суреттеріне жарқын палитра, жігерлілік, айқын қарама-қайшылықтар, тұтастық пен монументалдық тән. Ал Н.К.Рерих философиясының және оның мәдени идеяларының сабақтастығына ұсынылған экспозицияны – «Мәдениет құдіреті» - уақыт пен шектен тыс кеңістік ретінде біріктірді.
Көрме 2025 жылдың 8 мамырына дейін жалғасады.
Жұмыс уақыты: 10:00 – 19:00.
Куратор: Наталия Баженова –
«Қазақстанның сәндік- қолданбалы өнер»
бөлімінің жетекшісі.
