2024 жылғы 2 мамырда сағат 16:00-де Әбілхан Қастеев атындағы ҚР Мемлекеттік өнер музейі қорынан 1941-1945 жылдардағы Ұлы Отан соғысына және Кеңес Одағының батыры, Қазақстанның Халық батыры, Қазақстан Республикасы армиясының генералы Сағадат Қожахметұлы Нұрмағамбетовтың туғанына 100 жыл толуына арналған «Жеңістің жұлдызды сағаты» атты (Кескіндеме. Графика. Мүсін өнері) көрмесі  ашылады.

        Экспозицияда кеңес заманы мен қазақстандық суретшілердің, ҰОС қатысушыларының 50-ден аса туындылары, соғыс батырлары мен тыл еңбеккерлеріне арналған картиналар қойылады. Көрменің ашылуында көрермендер әскери-тарихи музейдің директоры А. Байқадамованың қолдауымен ұсынылған генерал                                       Сағадат Нұрмағамбетовтің жеке заттарын тамашалай алады.

          2024 жылдың 19 сәуір күні сағат 16:00-де Әбілхан Қастеев атындағы Қазақстан Республикасы Мемлекеттік өнер музейінде Халықаралық зияткерлік меншік күніне арналған «Ортақ болашақтың игілігі үшін инновациялар мен шығармашылық» атты көрме ашылады.

Жыл сайын 26 сәуір Дүниежүзілік зияткерлік меншік ұйымына (ДЗМҰ) мүше мемлекеттер Халықаралық зияткерлік меншік күнін атап өтеді, осылайша оның әлемнің барлық елдерінің экономикалық, мәдени және әлеуметтік дамуындағы рөлін көрсетеді. Мереке 2000 жылдан бері аталып келеді, ал 26 сәуір 1970 жылы ДЗМҰ Конвенциясы күшіне енген күн.

2024 жылдың 16 сәуірі сағат 16.00-де Әбілхан Қастеев атындағы ҚР Мемлекеттік өнер музейінде коллекция жиюшы, меценат, ақын, жазушы, төре  Азат Әкімбектің 75 жылдық мерейтойына арналған «Орта Азия ұйғыр суретшілерінің туындылары (кескіндеме, графика)»  атты жеке коллекциясынан көрме ашылады.

Төре Азат Әкімбек – әлемге әйгілі коллекция жиюшы, Қазақстан Республикасының Еңбек сіңірген қайраткері. Ол 1972 жылдан бастап бүгінгі күнге дейін Шығыс Түркістан, Қашқар, Хотан, Турфан, Кучар, Ақсу және басқа да қалалардың шеберлері жасаған ұйғыр халық-қолданбалы өнерінің бірегей жинағын жинай алды.  Қазақстан аумағында, сонымен қатар шетелде 74 көрме ұйымдастырып өткізді.

     2024 жылғы 12 сәуірде сағат 16:00-де Әбілхан Қастеев атындағы ҚР Мемлекеттік өнер музейінде Темір Бегімбеттің (1951-2022) «Екі әлемнің қақпасы» атты жеке көрмесінің ашылуы өтеді. Көрмеде суретшінің 70-тен астам көркем және мүсіндік туындылары ұсынылады.

          Қазақстандық суретші Темір Бегімбеттің бейнелер әлемі екі мән – зат пен оның символының тоғысқан шекарасында туады. Ол жасаған әрбір жұмыс өзінің пайдалылығымен бірге терең символдық мағынаны қамтиды. Суретші біздің өміріміздегі барлық нәрсе ақылға қонымды және үйлесімді реттелгеніне сенімді.

2024 жылдың 4 сәуірі күні сағат 16:00-де Әбілхан Қастеев атындағы ҚР Мемлекеттік өнер музейі суретші Владимир Киреевтің 80 жылдығына арналған  «Кездесу» атты мерейтойлық ретроспективті көрмесін ұсынады. Көрмеге 1970 жылдардың соңынан қазіргі уақытқа дейін жасалған  50-ден астам картиналар – портреттер мен пейзаждар ұсынылады.

Владимир Киреев – өнердегі академиялық дәстүрді ұстану арқылы шығармашылық дүниетанымы айқындалатын тамаша көркемдік білімі бар суретшілердің бірі. Н.В.Гоголь атындағы Алматы көркемсурет училищесінде суретші алған реалистік кескіндеме негіздері (1966 жылы бітірген), Репин атындағы Санкт-Петербург өнер академиясында оқу кезеңінде жетілдірілген (1973 жылы бітірген). Өзінің кәсіби мансабында суретшінің басты мақсаты шығармашылық стиль және көркемдік әдіс ретінде реализмге назар аудару болды. Суретшінің камералық және монументалды жұмыстары белгілі, олардың көпшілігі республиканың жетекші өнер музейінің қорына енгізілген.