ҚАЗАҚСТАН РЕСПУБЛИКАСЫ МӘДЕНИЕТ ЖӘНЕ СПОРТ МИНИСТРЛІГІ
Ә. ҚАСТЕЕВ АТЫНДАҒЫ ҚР МЕМЛЕКЕТТІК ӨНЕР МУЗЕЙІ
Ә. Қастеев атындағы ҚР Мемлекеттік өнер музейінің қызметі музейдің басты миссиясын жүзеге асыруға бағытталған, ол Қазақстан Республикасының көркем мұраларын сақтау және кеңінен тарату. Миссияның сәтті орындалуы үшін музей өз қызметін келесі салаларда жүзеге асырады: коллекциялау, сақтау, ғылыми-зерттеу жұмысы, реставрация, әлемдік өнердің шығармаларын кең көрермендер аудиториясына насихаттау.
Музейдің құрылымына сақтау және реставрациялау орталықтары, ғылыми бөлімдер, келушілермен жұмыс істейтін орталықтар (экскурсиялық және сыртқы байланыс), көрмелер мен экспозициялар орталығы, баспа бөлімі, техникалық қызмет көрсету және әкімшілік аппараты кіреді. Музейде қызмет істейтін екі бөлімше бар: Орталық көрме залы және Ә. Қастеев атындағы музей-үйі.
2017 жыл бойынша Ә. Қастеев атындағы ҚР Мемлекеттік өнер музейімен жүзеге асырылды:
Екі ғылыми каталогтың шығуы – Сергей Калмыков шығармаларының каталогы және Ә. Қастеев атындағы ҚР МӨМ қорынан Қазақстан кескіндемесі каталогының I томы ( А-дан К-ға дейін).
Көрмелер – 51 (солардың ішінде : халықаралық – 13, ОКЗ бойынша – 12).
Ғылыми-практикалық конференция. Жыл сайынғы ғылыми-практикалық «Қастеев оқулары-2017», Айша Ғалымбаеваның туғанына 100-жыл толуына арналған «Сананы жаңғырту жағдайындағы мәдениет пен өнер» тақырыбындағы музей конференциясы.
«Жаһандану әлеміндегі заманауи қазақстандық мәдениет» тұжырымдамасын әзірлеу, «Рухани жаңғыру» бағдарламасын жүзеге асыру барысында музей халықаралық ұйымдармен ынтымақтастық туралы меморандумдарға қол қояды (Мемлекеттік орыс музейі, СПб, Беларусь Ұлттық көркемсурет музейі, Минск, Татарстан Мемлекеттік бейнелеу өнері музейі, Қазан).
ҚР Президенті – Елбасы Н.Ә. Назарбаевтың «Болашаққа бағдар: рухани жаңғыру» бағдарламалық мақаласының негізгі ойларын түсіндіруге арналған бірқатар іс-шаралар − еңбек ұжымдары және шығармашыл зиялы қауым өкілдерімен кездесулер – 3, негізгі ережелерді алға жылжыту бойынша баяндамалар мен жарияланымдар, соның ішінде, қазақ тілінің латын әліпбиіне көшуіне байланысты.
«Қол жетімді музей» әлеуметтік жобасы аясында Республикада алғаш рет музей эспозициясында зағип және нашар көретін жандарға арналған түйсіну жәдігерлері мен Браиль қарпіндегі мәтіндік аннотациялары пайда болды.
Дөңгелек үстелдер – 6 (соның ішінде, біреуі СПб-тан халықаралық).
Баспасөз конференциялары – 7.
Музейдің тұрақты жобалары, олардың қатарында: Музыкалық вернисаж, Музей түні, мектеп демалыстары кезіндегі «Сиқырлы шам» бағдарламасы, мастер-класстар, музей квесттері мен басқалар.
Музейді жаңғырту жобалары: жәдігерлерді цифрлау; келушілерге арналған музей коллекциясы, экспозицияның тақырыптық бөлімдерін мәліметтерімен бірге үш тілдегі интерактивті ақпараттық дүңгіршекті іске қосу; музей экспозициясының негізгі бөлімін қамтитын көп тілді аудиогид (5 тіл – қазақ, орыс, ағылшын, қытай, француз); тегін WIFI;
2017 жылғы жаңа түсімдер – 74 бірлік сақтау (ККД-дан немесе сыйға берілген), 183 туынды қалпына келтірілді.
Келушілер саны – 120 570 адам.
