2024 жылғы 19 қараша күні сағат 16.00-де Әбілхан Қастеев атындағы Қазақстан Республикасы Мемлекеттік өнер музейінің Орталық көрме залында бейнелеу және сәндік-қолданбалы өнерді сүйетіндер үшін «Асыл тастар» клубының «Әлем өнер арқылы» атты көрмесінің ашылуы өтеді.
«Сұлулықты көру қабілетін сақтаған адам қартаймайды...»
Франц Кафка
«Асыл тастар» неден басталды, бұл, 1971 жылы Алматы облысысында совхоз кәсіподағы суретшілер бірлестігін құрып, осындай атауды берді. Кейін, «Асыл тастар» бірлестігі 400-ден астам суретшіні біріктірген КСРО-дағы ең ірі шығармашылық ұжымдардың бірі болып шықты. «Асыл тастар» Бүкілодақтық, Республикалық, Халықаралық көрмелердің, фестивальдердің қатысушысы болды және оның көптеген мүшелері осынау көрмелердің лауреаттары болды. 1974 жылдың жазында «Асыл тастар» делегациясы КСРО халықтары өнерінің үлкен мерекесіне қатысып, КСРО ХШЖК алтын дипломымен марапатталды.
«Асыл тастар» қоғамдық негізде құрылды, бірлестік мүшелері халық шаруашылығы кәсіпорындарында, мекемелерде, мәдениет, ғылым, медицина және т.б. салаларда жұмыс істеді. «Асыл тастардың» негізгі міндеті өнерді көпшілік арасында насихаттау және көркемөнерпаздар өнерін одан әрі дамыту болды. Ол кезде «Асыл тастарға» Қазақстан Суретшілер Одағы үлкен көмек көрсетіп, В.Антощенко-Оленев, Үкі Әжиев, Сахи Романов, А.Дячкин, И.Квачко, Б.Чувылко, Н.Полонская, М.Меллер сияқты т. б. тамаша өнер қайраткерлерін көмекке жіберді. Белгілі суретші, КСРО Суретшілер Одағының мүшесі, И.Я. Стадничук «Жұма» акварель студиясын ақысыз жүргізіп, «Асыл тастар» мүшелеріне көмек көрсетті. Суретшілер одағының мүшесі, акварель суретшісі Юрий Самуилович Шнайдерман клубтың қалыптасуына және дамуына атсалысып, көп жылдар бойы оның төрағасы және кураторы болды. Юрий Самуилович, керемет суретші, ақын, бард, Ұлы Отан соғысының қатысушысы болатын. Көп ұзамай «Асыл тастарға» Суретшілер одағының мүшесі емес жас кәсіби суретшілер қосыла бастады. Өкінішке орай, бүгінде «Асыл тастардың» кейбір қызметі ұмыт қалды. Дегенмен, өнертанушылар мен басқа да зерттеушілер халық әуесқойларының бейнелеу өнері сияқты кеңестік шындықтың қайталанбас құбылысына қызығушылық танытып, бұл мәселеде өз ойын айтатын уақыт келер деген сенім бар. КСРО сияқты алып елдің ыдырауынан «Асыл тастар» үлкен шығармашылық бірлестігі де өз жұмысын тоқтатты.
Алайда Алматы қаласының суретшілері өзара кездесуді жалғастырып, тұрақты байланыста болды. 2004 жылы Г.С.Коржинская басқаратын «Алматы мүгедек балаларды оңалту орталығы» «Асыл тастарға» жұмыс жасауға өз мәжіліс залын ұсынды. Сол жылы Алматы суретшілері өздерінің жиналыстарының бірінде «Асыл тастар» бейнелеу өнері әуесқойларының Алматы қалалық клубы болып қайта құру туралы шешім қабылдады.
Бүгінде клуб құрамына жақын маңдағы қалалар мен облыстардың суретшілері кіреді. Қазір біздің клубта арнайы білімі бар көптеген суретші-мұғалімдер бар. Бейнелеу өнері өмірінің ажырамас бөлігі болып табылатын басқа мамандықтардың адамдары да бар. Суретшілердің әрқайсысы көрерменге қоршаған әлем туралы өз көзқарасын ашуға тырысады. Біздің клубтың мүшелері 50 жылдан бері қаланың әртүрлі галереялары мен көрме залдарында жиналып, топтық және жеке көрмелерін ұйымдастырып келеді.
Бүгінде «Асыл тастар» клубына қала музейлері, олардың ішінде Әбілхан Қастеев атындағы Қазақстан Республикасы Мемлекеттік өнер музейінің орталық көрме залы, «Вернисаж» галереясы, Алматы қаласының музейі, Алматы мемлекеттік мұрағаты көрме өткізу үшін өз залдарын ұсынып, қолдауда. «Асыл тастар» көрмесі тек клуб мүшелері үшін ғана емес, көрмені тамашалушылар үшін де нағыз өнер мерекесіне айналды.
Клуб есігі оның қызметіне қызығушылық танытқандар үшін әрдайым ашық.
«Асыл тастар» клубының мүшелері біздің клубты қолдайтындардың барлығына алғысын білдіреді», - дейді «Самоцвет» клубының жетекшісі, суретші-педагог Н.Г. Кухаренко.
Көрмені 2024 жылдың 29 қарашасына дейін тамашалауға болады.
Жұмыс уақыты: 10-00-19-00. Демалыс күні: дүйсенбі
Көрме кураторы: Айсұлу Үсентаева
