Кеше, Ә. Қастеев атындағы өнер музейінде 4-ші халықаралық «Әрқашан бірге» атты авторлық интерьерлік қуыршақтар көрмесінің салтанатты ашылуы өтті. Экспозицияда Қазақстан, Ресей, Беларуссия, Украина және Франциядан келген хас шеберлердің туындылары қойылған. Көрмені ҚР Мемлекеттік өнер музейінің директоры Шалабаева Гүлмира Кенжеболатқызы және Ресей Федерациясының Қазақстандағы Бас консулы Евгений Петрович Бобров ашты.
2020 жылдың 28 қазанында сағат 12: 00-де - Ә. Қастеев атындағы ҚР Мемлекеттік өнер музейінде «Бұл таңғажайып әрі нәзік әлем» атты көрменің салтанатты ашылуы өтті. Қазақстанның экологиялық ұйымдарының қауымдастығы «Стоп Мусор» әлеуметтік жобасы аясында ұйымдастырған картиналар көрмесі келушілердің назарын қалаларда да, табиғат аясында да қоқыстың көбею проблемасына аудару үшін жасалған.
2020 жылдың 20 қазан күні сағат 16.00-де Ә. Қастеев атындағы ҚР Мемлекеттік өнер музейінің Орталық көрме залында Тюнин Иван Васильевичтің «Ұрпақтар палитрасы» жеке көрмесінің ашылуы өтеді.
Ваня кішкентай кезінен бастап сурет салуды қатты қалайтын. Мектеп пен үйге барар жолда ол келер күннің барлық сұлулығын, оның бояулары мен реңктерін тамашалады. Баланың бойындағы шығармашылық қабілеті оған әлемнің әрбір бөлшегі мен әсемдігін байқауға мүмкіндік берді. Күзгі Алтай орманы қып-қызыл болып жалындап тұрды, қысқы қар жарқыраған жамылғы сияқты жатты, көктем бояулардың аса буырқануымен оянды. Осының барлығын қағазға түсірсе шіркін!
Бүгін, Ә. Қастеев атындағы өнер музейінде алматылық суретші Ғалым Оспановтың жеке көрмесінің салтанатты ашылуы өтті.
«Эйкос +» шығармашылық көрмесі соңғы екі жылдағы туындаларына арналған. Эйкос сөзінің мағынасы экология ұғымының ежелгі гректік баламасы (лат. оіkos – үй, баспана; logos – ілім). Көрмеге 30-дан аса кескіндемелік натюрморт жанрындағы жұмыстар қойылды. Туындылар әлемдегі және еліміздегі өзекті жағдайларға бағытталған. Олар экология, пандемия және т.б мәселелер.
«Эйкос +» көрмесін дүйсенбіден басқа күндері сағат 10-00-ден 18-00-ге дейін келіп көре аласыздар.
}Ә. Қастеев атындағы ҚР Мемлекеттік өнер музейі 2020 жылдың 9 қазанынынан Қазақ КСР халық суретшісі, Ш. Уәлиханов атындағы Қазақ КСР Мемлекеттік сыйлығының лауреаты Евгений Сидоркиннің (1930-1952) туғанына 90 жыл толуына арналған «Менің Қазақстаным» атты жеке көрмесінің ашылуын қуанышпен хабарлайды. Суретшінің мерейтойына орай, профессор Шалабаева Гүлмира Кенжеболатқызының авторлығымен Евгений Сидоркиннің монографиясының екінші басылымы да жарық көрді. Барлық өнер сүйер қауымын бүгіннен бастап Қазақстан Республикасының Мемлекеттік өнер музейінің қорынан шыққан экспозициядағы ерекше туындылармен танысуға шақырамыз. Қазақ КСР халық суретшісінің шығармашылығы туралы үш тілде жазылған кітабын біздің кәдесыйлар дүкенінен алуға болады.
Instagram соңғы жаңалықтары
Instagram
⚜️2026 жылдың 1 тамыз күні сағат 11:00-де Қазақстан Республикасының Ұлттық өнер музейінде ұлттық бейнелеу өнерінің көрнекті шебері, Қазақстанның халық суретшісі Сахи Романовтың (1926-2002) туғанына 100 жыл толуына арналған «Дала симфониясы» мерейтойлық көрмесінің ашылуы мен іс-шара аясында шығармашылығына арналған дөңгелек үстел өтеді.
🔸Сахи Романовтың шығармашылығы мазмұн тереңдігімен және айқын ұлттық сипатымен ерекшеленеді. Суреткер туындыларына бейнелі ойдың эпикалық кең тынысы, жоғары кескіндемелік шеберлік пен адам болмысын терең танып-білуге негізделген айрықша тереңдік тән. Ол 1949 жылдан бастап көрмелерге қатыса бастаған. 1955 жылы Бүкілодақтық мемлекеттік кинематография институтын (ВГИК, Мәскеу) тәмамдады. 1958 жылы КСРО Суретшілер одағына, ал 1960 жылы Кинематографистер одағына мүшелікке қабылданды. 1967 жылы оған Қазақ КСР-інің еңбек сіңірген өнер қайраткері, 1981 жылы Қазақ КСР-інің халық суретшісі атағы берілді. 1955 жылы институтты тәмамдағаннан кейін Сахи Романов «Қазақфильм» киностудиясында қызмет етті. Қоюшы-суретші ретінде ол «Өмір жолы» (1960), «Алдар көсе» (1964), «Ән қанаты» (1965), «Найзатас баурайында» (1969), «Құлагер» (1971) және өзге де фильмдердің жарық көруіне атсалысты. Көрмеде суретшінің кеңінен танылған графикалық және станоктық туындылары ұсынылған. Атап айтқанда, «Шопанның отбасы» (1969), «Жер туралы декрет» (1970), «Отан аспаны аясында» (1970), «Бұғаудан босау» (1970) секілді т.б.
🔹Халық суретшісі Сахи Романовтың бұл мерейтойлық көрмесі оның кең көлемді көркем мұрасының тек аз ғана бөлігін ғана ұсынады. Бұл келушілерге шығармашылық өсу-өрісінің ауқымын бақылауға және дүниетанымы мен сезімдерін толық жеткізуге тырысқанда қолданған тақырыптары мен стилистикалық тәсілдерінің әлеуетін зерттеуге мүмкіндік береді.
🔺Сахи Романовтың бейнелер әлемі өзінің эпикалық кеңдігімен, көркемдік шеберлігімен, сезім шынайылығымен, ой тереңдігімен және жарқын түстер үйлесімімен көрермендерді баурап келеді әрі Ұлы Дала елінің мәңгілік симфониясын құрайды.
⚜️Бүгінгі кезекті айдарымыз - кураторлық жұмысқа арналады.
▫️Куратор – көрермен мен суретші арасын байланыстыратын елші, екі жақтың еркін ортада кездесуін ұйымдастыратын, көрменің идеялық және көркемдік тұтастығын айқындайтын басты тұлға.
✨Сіздерді 4 тамыз күні сағат 16:00-де Әбілхан Қастеев атындағы ҚР Ұлттық өнер музейінде заманауи қазақстандық мүсін өнерінің көрнекті өкілі мүсінші Павел Шороховтың 80 жылдық мерейтойына арналған «ПАВЕЛ ШОРОХОВТЫҢ ҚАЛАСЫ МЕН ДӘУІРІ» атты мерейтойлық ретроспективалық көрмесінің ашылуында күтеміз!
📌Көрме 30 тамызға дейін жалғастырады.
Көрме жобасының кураторы – Оксана Танская
✨ Сегодняшний выпуск нашей рубрики — о тех, кто помогает выставке обрести свой голос.
▫️Куратор — это связующее звено между художником и зрителем, посредник, который создаёт пространство для их свободного диалога и встречи, а также определяет идейную и художественную целостность выставки.
✨ ✨ Ждём вас 4 августа в 16:00 в Национальном музее искусств Республики Казахстан имени Абылхана Кастеева на открытии юбилейной ретроспективной выставки «ГОРОД И ЭПОХА ПАВЛА ШОРОХОВА», посвящённой 80-летию выдающегося представителя современного казахстанского скульптурного искусства, скульптора Павла Шорохова!
📌 Выставка продлится до 30 августа.
Куратор выставочного проекта — Оксана Танская.
⚜️Әбілхан Қастеев атындағы Қазақстан Республикасының Ұлттық өнер музейінде өтіп жатқан Гаухар Бисенғалиеваның (Арухан) «Жад бедері / Matter of Memory» көрмесі аясында қазақ мифологиясын зерттеуші, жазушы, киносценарист, философия ғылымдарының кандидаты Зира Наурызбай көрме туралы өз ойымен бөлісті.
▫️Суретші Гаухар Бисенғалиева (Арухан) киіз, дала шөптері мен табиғи материалдар арқылы уақыттың ізін, ұрпақтар сабақтастығын және материалдың өзгеру үдерісін зерделейді. Көрме көрерменді жадтың қалай сақталатыны және уақыттың материалға қандай із қалдыратыны туралы ойлануға жетелейді.
📍Көрме 24 тамызға дейін жалғасады.
⚜️В рамках проходящей в Национальном музее искусств Республики Казахстан имени Абылхана Кастеева выставки Гаухар Бисенгалиевой (Арухан) «Материя памяти / Matter of Memory» своими впечатлениями поделилась исследователь казахской мифологии, писатель, киносценарист, кандидат философских наук Зира Наурызбай.
▫️Используя войлок, степные травы и другие природные материалы, художница рассматривает время не просто как тему своих произведений, а как активную силу, участвующую в творческом процессе. Разработанная Арухан техника «старения» не стремится ни к реконструкции прошлого, ни к восстановлению традиции. Напротив, материал со временем впитывает следы изменений и превращается в своеобразный материальный архив.
📍Экспозиция продлится до 24 августа 2026 года.
⚜️2026 жылдың 5 тамыз күні сағат 16:00-де Қазақстан Республикасы Әбілхан Қастеев атындағы Қазақстан Республикасының Ұлттық өнер музейінің Орталық көрме залында мәдениет қайраткері, Қазақстан Республикасы Көркемсурет академиясының академигі Нұрболат Ысқақовтың 70 жылдық мерейтойына арналған «Шыңмен сырласқан қылқалам» атты ретроспективті көрменің салтанатты ашылуы өтеді.
🔹Аталмыш көрме суретшінің әр кезеңде жазылған туындыларын бір кеңістікте тоғыстырып, оның шығармашылық жолының негізгі белестерін таныстырмақ. Нұрболат Ысқақовтың шығармашылығында бірнеше жылдар бойы басты тақырыпқа айналған Хан Тәңірі шыңының бейнесі бұл экспозицияның негізі болмақ. Суретші Аспантауды туған жерінің символы ретінде бейнелеп, әр туындысында оның жаңа реңдік әрі эмоционалдық қырларын ашып келеді.
🔸Экспозицияда Райымбек ауданының әртүрлі нүктелерінен бейнеленген Хан Тәңірінің сан алуан көріністері, туған өлкенің пейзаждары, қазақ ауылының тыныс-тіршілігіне арналған жанрлық композициялар, сондай-ақ суретшінің отбасылық мұрағатынан алынған фотосуреттер ұсынылады.
🔺Суретшінің кескіндемелік тілінің өзіндік ерекшелігі бұл көрмеде айқын көрініс табады. Оның туындыларында түстің қанықтығы бірден көзге түседі. Суретші таулар мен жоталардың монументалды болмысын ең алдымен түстің қуаты арқылы беріп, көрермен назарын асқақ шыңдарға бағыттайды. Нұрболат Ысқақов шығармаларында ультрамарин мұздықтар, зүбәржаттай жасыл шыршалар, лимон түстес алқаптар мен қардағы қызғылт-күлгін реңктер өзіндік декоративтік түстік жүйе құрайды.
Экспозиция тамыз айының 18 дейін жалғасады.
Көрме жетекшісі - Санжар Сырғабаев
«Қазақстан бейнелеу өнері» бөлімінің ғылыми қызметкері
⚜️Әбілхан Қастеев атындағы ҚР Ұлттық өнер музейінде Гаухар Бисенғалиеваның (Арухан) «Жад бедері/Matter of Memory» көрмесі ашылды.
🔹Аруханның көркем тілі органикалық абстракцияға жақын. Киіз бетінде түзілетін ирек сызықтар, сан қилыбедерлер мен фактуралар құдды табиғаттағы үдерістерден де, жазуға ұқсас іздер мен жад түкпірінен қалқып шығатын пішіндерден де хабар беретіндей. Бұл бейнелердің нақты әрі тұрақты мағынасы жоқ. Олар таңба мен материяның шегінде өмір сүріп, жадтың шығарманың құрылымы арқылы көрініс табуына мүмкіндік береді.
🔸Бұл кеңістікте дала айрықша орын алады. Ол – ішкі жадтың мекені һәм адам орала беретін кеңістік. Дала да тура жад іспетті бір жағынан ізді сақтап қалса, екіншіжағынан оны жойып отырады.
🔺Көшпелілер мәдениетінде жад белгілі бір тұрақты сақтау формасына тәуелді болмаған. Табиғи материалдардан жасалған бұйымдар уақыт өте жерге қайта сіңгенімен, жадтың өзі қолөнер, ауыздан ауызға тараған мұра мен ұрпақтан ұрпаққа жалғасқан тәжірибеде өмір сүре берген. Осы тұрғыдан алғанда, Аруханның шығармаларын жоғалып бара жатқан дүниенің мұрағатын жасауға талпыныс ретінде қарастыруға болады.
▫️▫️Matter of Memory көрмесі жадты заттардың өзі, өткеннің ізі мен дүние материясында өмір сүруін жалғастыратын материалдық құбылыс ретінде тануға шақырады.
📌Экспозиция тамыз айының 24-не дейін жалғасады.
Куратор: Ақжарқын Құмарбаева
Жоба үйлестірушісі – Ақбота Алимхожина
💫2026 жылғы 25 шілдеде Орталық көрме залында «Отбасылық альбомның әсері» атты топтық көрме аясында Artist Talk форматындағы шығармашылық кездесу өтті.
🔹Кездесуге көрме авторлары мен жоба кураторы қатысып, көрменің идеясы, шығармалардың дүниеге келу тарихы, отбасы құндылықтары тақырыбының өнердегі көрінісі және көрме жобасының қорытындылары туралы кеңінен әңгімеледі.
🎨Artist Talk көрме жобасының маңызды қорытынды кезеңіне айналып, өнер мен көрермен арасындағы ашық сұхбат алаңын қалыптастырды.
💫25 июля 2026 года в Центральном выставочном зале в рамках групповой выставки «Действие семейного альбома» состоялся Artist Talk, посвящённый подведению итогов выставочного проекта.
🔸В творческой встрече приняли участие художники выставки и куратор проекта, которые поделились размышлениями о концепции выставки, идейном содержании работ, творческих поисках и опыте, накопленном в ходе экспозиции.
🎨Artist Talk стал важным заключительным этапом выставочного проекта, позволив глубже осмыслить темы семьи, памяти и преемственности поколений через произведения искусства.
