Ә. Қастеев атындағы ҚР Мемлекеттік өнер музейі «Тенгри Умай» заманауи өнер галереясымен бірлесіп «Рустам Хальфин. Айналарсыз автопортрет» көрмесін ұсынады. Экспозицияда Хальфиннің 1980-2008 жылдардағы шығармашылық өмірбаянының әр түрлі кезеңдері ұсынылады. Шығармалардың көпшілігі суретшімен өмірінің соңғы жылдарында белсенді жұмыс жасаған «Тенгри-Умай» галереясымен ұсынылған.
Ә. Қастеев атындағы ҚР Мемлекеттік өнер музейі Владимир Филатовқа Хальфиннің туындыларын сақтағаны үшін және осы көрмені өткізу бастамасы үшін алғыс білдіреді. Виртуалды көрменің ашылуы 2020 жылдың 17 шілдесінде, сағат 12.00-де болады
2020 жылдың 12 маусымында Ә. Қастеев атындағы ҚР Мемлекеттік өнер музейінде заманауи жапон график суретшілерінің шығармашылығын көрсететін «НОРМАН ТОЛМАННЫҢ ҚҰНДЫ СЫЙЛЫҒЫ» ОНЛАЙН-көрмесі өтеді. Көрмеде 2012 жылы графиканың әр түрлі техникасында жасалған 8 туындыдан тұратын топтама ұсынылады. Онлайн-көрмені өткізудің негізгі алаңы – Facebook платформасы, онда 12 маусымда сағат 12.00-де ВИРТУАЛДЫ КӨРМЕНІҢ ашылуы өтеді.
Бұл «Таң-Шолпан» ХТӘСҚ-дың орта буын және жас суретшілер шығармашылық көрмесінде санадан тыс дүниені құрайтын және ішкі әуен үндестігін сездірте баян етеді. Суретшілер қоршаған ортаның тепе-теңдік үйлесімділгін жан-жақты електен өткізе, өзіндік ерекше композициялық идеясымен және көркемдік мәнерімен көрініс табады. Айталық олар тақырыптық композицияларында аңыз бен көне тіршілік тылсымын, бүгінгі қала мен дала өмір тынысын бейнелей, ондағы атмосфераны көрерменге бүкпесіз жеткізген.
Белгілі қазақстандық суретші Ирина Яреманың жеке көрмесінде 40 аса авторлық туындылар ұсынылған. Олар шығармашылығының әр түрлі жылдарында жасалған гобелендер, кескіндемелік шығармалар, графикалық суреттер мен гобелен эскиздері.
Иржи Пачинектің есімін халықаралық арт-қоғамдастықта таныстырып жатудың өзі артық. Ол әлемдік заманауи авторлардың арасында көркем шыны бойынша материалды түсініп, нағыз қайталанбас туындыларды жасайтын ерекше шебер ретінде өзінің орнын тапқан. Бұлар – ерекше әсемдігімен және бірегейлігімен ерекшеленетін әр қилы мүсіндік композициялар, сандаған ыдыстар мен вазалар. Шыныны ежелгі металл ысқырықпен үрлеу әдісін жетілдіре отырып, қайталанбас өнер нысандарын жасауда ол өзінің танымал авторлық стилін дамыта алды
Instagram соңғы жаңалықтары
Instagram
⚜️2026 жылдың 5 тамыз күні сағат 16:00-де Қазақстан Республикасы Әбілхан Қастеев атындағы Қазақстан Республикасының Ұлттық өнер музейінің Орталық көрме залында мәдениет қайраткері, Қазақстан Республикасы Көркемсурет академиясының академигі Нұрболат Ысқақовтың 70 жылдық мерейтойына арналған «Шыңмен сырласқан қылқалам» атты ретроспективті көрменің салтанатты ашылуы өтеді.
🔹Аталмыш көрме суретшінің әр кезеңде жазылған туындыларын бір кеңістікте тоғыстырып, оның шығармашылық жолының негізгі белестерін таныстырмақ. Нұрболат Ысқақовтың шығармашылығында бірнеше жылдар бойы басты тақырыпқа айналған Хан Тәңірі шыңының бейнесі бұл экспозицияның негізі болмақ. Суретші Аспантауды туған жерінің символы ретінде бейнелеп, әр туындысында оның жаңа реңдік әрі эмоционалдық қырларын ашып келеді.
🔸Экспозицияда Райымбек ауданының әртүрлі нүктелерінен бейнеленген Хан Тәңірінің сан алуан көріністері, туған өлкенің пейзаждары, қазақ ауылының тыныс-тіршілігіне арналған жанрлық композициялар, сондай-ақ суретшінің отбасылық мұрағатынан алынған фотосуреттер ұсынылады.
🔺Суретшінің кескіндемелік тілінің өзіндік ерекшелігі бұл көрмеде айқын көрініс табады. Оның туындыларында түстің қанықтығы бірден көзге түседі. Суретші таулар мен жоталардың монументалды болмысын ең алдымен түстің қуаты арқылы беріп, көрермен назарын асқақ шыңдарға бағыттайды. Нұрболат Ысқақов шығармаларында ультрамарин мұздықтар, зүбәржаттай жасыл шыршалар, лимон түстес алқаптар мен қардағы қызғылт-күлгін реңктер өзіндік декоративтік түстік жүйе құрайды.
Экспозиция тамыз айының 18 дейін жалғасады.
Көрме жетекшісі - Санжар Сырғабаев
«Қазақстан бейнелеу өнері» бөлімінің ғылыми қызметкері
⚜️Әбілхан Қастеев атындағы ҚР Ұлттық өнер музейінде Гаухар Бисенғалиеваның (Арухан) «Жад бедері/Matter of Memory» көрмесі ашылды.
🔹Аруханның көркем тілі органикалық абстракцияға жақын. Киіз бетінде түзілетін ирек сызықтар, сан қилыбедерлер мен фактуралар құдды табиғаттағы үдерістерден де, жазуға ұқсас іздер мен жад түкпірінен қалқып шығатын пішіндерден де хабар беретіндей. Бұл бейнелердің нақты әрі тұрақты мағынасы жоқ. Олар таңба мен материяның шегінде өмір сүріп, жадтың шығарманың құрылымы арқылы көрініс табуына мүмкіндік береді.
🔸Бұл кеңістікте дала айрықша орын алады. Ол – ішкі жадтың мекені һәм адам орала беретін кеңістік. Дала да тура жад іспетті бір жағынан ізді сақтап қалса, екіншіжағынан оны жойып отырады.
🔺Көшпелілер мәдениетінде жад белгілі бір тұрақты сақтау формасына тәуелді болмаған. Табиғи материалдардан жасалған бұйымдар уақыт өте жерге қайта сіңгенімен, жадтың өзі қолөнер, ауыздан ауызға тараған мұра мен ұрпақтан ұрпаққа жалғасқан тәжірибеде өмір сүре берген. Осы тұрғыдан алғанда, Аруханның шығармаларын жоғалып бара жатқан дүниенің мұрағатын жасауға талпыныс ретінде қарастыруға болады.
▫️▫️Matter of Memory көрмесі жадты заттардың өзі, өткеннің ізі мен дүние материясында өмір сүруін жалғастыратын материалдық құбылыс ретінде тануға шақырады.
📌Экспозиция тамыз айының 24-не дейін жалғасады.
Куратор: Ақжарқын Құмарбаева
Жоба үйлестірушісі – Ақбота Алимхожина
💫2026 жылғы 25 шілдеде Орталық көрме залында «Отбасылық альбомның әсері» атты топтық көрме аясында Artist Talk форматындағы шығармашылық кездесу өтті.
🔹Кездесуге көрме авторлары мен жоба кураторы қатысып, көрменің идеясы, шығармалардың дүниеге келу тарихы, отбасы құндылықтары тақырыбының өнердегі көрінісі және көрме жобасының қорытындылары туралы кеңінен әңгімеледі.
🎨Artist Talk көрме жобасының маңызды қорытынды кезеңіне айналып, өнер мен көрермен арасындағы ашық сұхбат алаңын қалыптастырды.
💫25 июля 2026 года в Центральном выставочном зале в рамках групповой выставки «Действие семейного альбома» состоялся Artist Talk, посвящённый подведению итогов выставочного проекта.
🔸В творческой встрече приняли участие художники выставки и куратор проекта, которые поделились размышлениями о концепции выставки, идейном содержании работ, творческих поисках и опыте, накопленном в ходе экспозиции.
🎨Artist Talk стал важным заключительным этапом выставочного проекта, позволив глубже осмыслить темы семьи, памяти и преемственности поколений через произведения искусства.
⚜️ 2026 жылғы 25 шілдеде «Жад бедері / Matter of Memory» көрмесі аясында зерттеуші Зира Наурызбайдың «Киіздің сиқыры» атты дәрісі өтті.
Дәріс барысында киіздің қазақ мәдениетіндегі орны, оның тарихы мен символдық мәні, сондай-ақ дәстүрлі өнердегі маңызы туралы қызықты ойлар айтылды. Іс-шараға 50 көрермен қатысып, дәріс мазмұнды пікір алмасу алаңына айналды.
🔹Көрме аясындағы бағдарлама музей қонақтары үшін мазмұнды іс-шаралармен жалғасады:
Суретші Аруханның (Гаухар Бисенғалиева) қатысуымен өтетін авторлық экскурсиялар -
1,8,15 тамыз күндері 14:00-де;
Сауле Амантайқызы Сатаевамен «Аудиовизуалды:архив мұрасы және оны қалай сақтауға болады» тақырыбында ашық кездесу. Іс-шара архивтерді сақтау және мәдени жады мәселелеріне арналады -
23 тамыз күні 14:00-де.
📌Кіру - музей билетімен.
⚜️25 июля 2026 года в рамках выставки «Жад бедері / Matter of Memory» состоялась лекция исследовательницы Зиры Наурызбай «Магия войлока».
В ходе лекции были затронуты темы роли войлока в казахской культуре, его истории и символического значения, а также важности в традиционном искусстве. В мероприятии приняли участие 50 зрителей, а лекция стала содержательной площадкой для обмена мнениями и идеями.
🔸 Программа в рамках выставки продолжится для гостей музея насыщенными и интересными мероприятиями:
Авторские экскурсии с участием художницы Арухан (Гаухар Бисенгалиевой) состоятся 1, 8 и 15 августа в 14:00.
Открытая встреча с Сауле Амантайкызы Сатаевой на тему «Аудиовизуальное: архивное наследие и как его сохранить». Мероприятие будет посвящено вопросам сохранения архивов и культурной памяти — 23 августа в 14:00.
📌 Вход — по музейному билету.
⚜️2026 жылғы 24 шілдеде Қонаев қаласында Қонаев қалалық кітапханасының 55 жылдық мерейтойына арналған салтанатты іс-шара аясында «Жамбыл және өркениетті ұлт» жобасы мен «Отбасылық альбомның әсері» көрмесі арқылы ұлттық руханияттың дамуына қосқан үлесі үшін бірқатар мәдениет және өнер өкілдері Мемлекет басшысы атынан марапатталды.
🔹Марапаттарды Қазақстан Республикасы Президентінің кеңесшісі Мәлік Отарбаев табыстады.
▫️Марапатталғандардың қатарында Әбілхан Қастеев атындағы Қазақстан Республикасы Ұлттық өнер музейінің қызметкерлері де бар. «Маркетинг, жобалау және сыртқы істер» бөлімінің қызметкері, көрме координаторы Көпжүрсін Әйгерім Айдарқызы Қазақстан Республикасы Президенті атынан «Құрмет» грамотасымен, ал өнертану ғылымдарының кандидаты, музейдің жетекші ғылыми қызметкері Джадайбаев Әмір Жалынұлы Қазақстан Республикасы Президентінің Алғысымен және төсбелгісімен марапатталды.
👏🏻Әріптестерімізді жоғары марапаттарымен шын жүректен құттықтап, шығармашылық табыс пен толағай жетістіктер тілейміз!
***
⚜️24 июля 2026 года в городе Конаев в рамках торжественного мероприятия, посвященного 55-летию Конаевской городской библиотеки, представители культуры и искусства были удостоены государственных наград от имени Президента Республики Казахстан за вклад в развитие национальной духовности, а также реализацию проекта «Жамбыл және өркениетті ұлт» и выставки «Действие семейного альбома».
🔹Государственные награды вручил Советник Президента Республики Казахстан Малик Отарбаев.
▫️Среди награжденных - сотрудники Национального музея искусств Республики Казахстан имени Абылхана Кастеева. Айгерим Айдаркызы Копжурсин, сотрудник отдела маркетинга, проектной деятельности и внешних связей, координатор выставки, награждена Почетной грамотой от имени Президента Республики Казахстан. Амир Жалынович Джадайбаев, кандидат искусствоведения, ведущий научный сотрудник музея, удостоен Благодарности Президента Республики Казахстан и нагрудного знака.
👏🏻Поздравляем наших коллег с заслуженными государственными наградами и желаем им дальнейших профессиональных и творческих успехов!
🏛️Бұл мүсіндерді күнде көресіз! Бірақ авторын білмейміз!
⚜️Әбілхан Қастеев атындағы Қазақстан Республикасының Ұлттық өнер музейі сіздерді «Павел және Дмитрий Шороховтар: Қала және Дәуір» атты мерейтойлық ретроспективалық көрменің ашылуына шақырады.
Павел Шорохов — жарты ғасырдан астам уақыт бойы Алматының көркем келбетін қалыптастыруға үлес қосқан суретші-мүсінші. «Сарыарқа», «Ләйлектер», «Балалық шақ», Алматы циркі алдындағы мүсіндік ансамбль, «Қазақстан халықтары ертегілері саябағы» секілді туындылары бүгінде қаланың танымал нышандарына айналып, бірнеше буын алматылықтардың жадында берік орнықты.
Музей алғаш рет шебердің мүсіндік шығармаларын, архивтік материалдарын, монументалды туындыларының фотосуреттерін, сондай-ақ әулеттің шығармашылық дәстүрін жалғастырып келе жатқан Дмитрий Шороховтың кескіндеме жұмыстарын бір арнаға тоғыстырған ауқымды ретроспективалық көрмені ұсынады.
Көрмеде - Алматыны суретші көзімен көресіз, күн сайын жанынан өтіп жүрсеңіз де, тарихына үңіле бермейтін туындыларды жаңаша тануға мүмкіндік аласыз.
📅 Ашылу салтанаты: 2026 жыл, 4 тамыз, сағат 16:00
📍 Әбілхан Қастеев атындағы ҚР Ұлттық өнер музейі
🗓 Көрме 30 тамызға дейін жалғасады.
Сіздерді айтулы мәдени оқиғаның куәсі болуға шақырамыз!
📌Көрме кураторы: @guideinalmaty
